இயக்குநர் ஹரி, நடிகர் சூர்யா, இணையும் மூன்றாவது படம் 'சிங்கம்'. இப்படத்தில் சூர்யாவுக்கு ஜோடியாக அனுஷ்கா நடிக்கிறார். சூர்யாவின் 25வது படமாகவும், இயக்குநர் ஹரி இயக்கும் 10வது படமாகவும் அமைந்துள்ள 'சிங்கம்' படத்தின் படப்பிடிப்பு முடிவடைந்து இறுதிகட்ட பணிகள் நடைபெற்று வருகிறது.
'பிக் பிக்சர்ஸ்' மற்றும் 'ஸ்டுடியோ கிரீன்' கே.ஈ.ஞானவேல் இணைந்து மிகப்பிரமாண்டமாக தயாரிக்கும் 'சிங்கம்'. 'ஆறு', 'வேல்' ஆகிய வெற்றி படங்களை தொடர்ந்து சூர்யா, ஹரி இணையும் இப்படம் போலீஸ் பற்றிய படமாகும். 'சாமி' படத்திற்கு பிறகு மீண்டும் போலீஸ் கதையினை வித்தியாசமான கோணத்தில் இயக்கி இருக்கிறார் இயக்குநர் ஹரி.
பிரகாஷ் ராஜ், விவேக், மனோரம்மா, விஜயகுமார், ராதாரவி, நாசர் மற்றும் பல முன்னணி நட்சத்திரங்கள் நடிக்கும் இப்படத்திற்கு ஸ்ரீதேவி பிரசாத் இசையமைக்க், நா.முத்துகுமார், விவேகா ஆகியோர் பாடல்கள் எழுதுகின்றனர். ப்ரியன் ஒளிப்பதிவு செய்ய, வி.டி விஜயன் படத்தொகுப்பு செய்கிறார்.
இப்படத்தின் படப்பிடிப்பை அதிவேகத்தில் முடித்த இயக்குநர் ஹரி, படத்தின் பிண்ணனி வேலைகளில் பரபரப்பாக இயங்கிக்கொண்டிருக்கிறார். சென்னை, நெல்லை, குற்றாலம், தென்காசி, அம்பா சமுத்திரம், தூத்துக்குடி, திருச்செந்தூர், காரைக்குடி ஆகிய இடங்களில் படத்தின் படப்பிடிப்பையும். துபாய், ஓமன் ஆகிய நாடுகளில் பாடல் காட்சிகளையும் படம்பிடித்துள்ளனர்.
இம்மாதம் (மார்ச்) பாடல்களாக வளம் வர இருக்கும் 'சிங்கம்' எப்ரல் மாதத்தில் படமாக வரவுள்ளது.
0 responses to ""சிங்கம்" படம்"